Просмотр вакансии

Asosiy vazifalar

• Savdo bo‘limining kunlik, haftalik va oylik faoliyatini samarali boshqarish.

• Belgilangan savdo rejasining bajarilishini nazorat qilish va reja bajarilmaganda sabablarini tahlil qilish.

• Sotuvchilar uchun KPI va samaradorlik ko‘rsatkichlarini kuzatish hamda ularning natijalarini muntazam tahlil qilish.

• Har bir sotuvchining qo‘ng‘iroqlari, uchrashuvlari, lidlar bilan ishlashi va yopilgan savdolarini nazorat qilish.

• CRM tizimida lidlar harakati, vazifalar va savdo jarayonining to‘g‘ri yuritilishini ta'minlash.

• Savdo voronkasining barcha bosqichlarini nazorat qilish va konversiyani oshirish bo‘yicha takliflar berish.

• Sotuvchilarga muzokara olib borish, objection handling va savdo texnikalari bo‘yicha amaliy yordam ko‘rsatish.

• Yangi xodimlarni ish jarayoniga moslashtirish va ularning tezroq natija ko‘rsatishiga ko‘maklashish.

• Haftalik va oylik savdo hisobotlarini tayyorlash, natijalarni rahbariyatga taqdim etish.

• Muhim mijozlar bilan muzokaralarda ishtirok etish va murakkab savdo jarayonlarini boshqarish.

• Savdo jarayonidagi muammolarni aniqlash, ularning sabablarini tahlil qilish va amaliy yechimlar taklif etish.

• Marketing bo‘limi bilan hamkorlik qilib, kelayotgan lidlar sifati va konversiyasini oshirish bo‘yicha tavsiyalar berish.

• Savdo hajmini oshirish maqsadida yangi savdo usullari, aksiyalar, takliflar, skriptlar, CRM instrumentlari, upsell/cross-sell mexanizmlari va boshqa samarali vositalarni ishlab chiqish, sinovdan o‘tkazish hamda natijalarini tahlil qilish.

• Mavjud savdo jarayonlarini doimiy tahlil qilish va ularni optimallashtirish bo‘yicha takliflar berish.

Talablar

• Savdo sohasida kamida 2–3 yillik ish tajribasi.

• Kamida 1 yil jamoani boshqarish tajribasi.

• CRM tizimlari bilan ishlash tajribasi.

• Savdo voronkasi, KPI, konversiya, savdo rejasi va hisobotlar bilan ishlashni yaxshi bilish.

• Savdo ko‘rsatkichlarini tahlil qilish va raqamlar asosida qaror qabul qila olish.

• Muzokara olib borish va mijoz e'tirozlari bilan ishlash bo‘yicha tajriba.

• Jamoani boshqarish, motivatsiya qilish va rivojlantirish ko‘nikmasi.

• Mas'uliyatli, tashabbuskor va natijaga yo‘naltirilgan bo‘lish.

• O‘zbek tilida erkin, rus tilini bilishi afzallik hisoblanadi.

• B2B savdo yoki xizmatlar sohasidagi tajriba ustunlik beradi.

Kutiladigan natijalar

• Savdo bo‘limining samaradorligi oshadi.

• Mavjud savdo jarayonlaridagi kamchiliklar aniqlanadi va ularni bartaraf etish bo‘yicha amaliy takliflar beriladi.

• Savdo voronkasidagi konversiya yaxshilanadi.

• CRM intizomi va ma'lumotlar sifati oshadi.

• Sotuvchilar samaradorligi muntazam nazorat qilinadi va rivojlantiriladi.

• Savdo rejasining bajarilish foizi oshadi.

• Savdo hajmini oshirishga xizmat qiladigan yangi instrument va takliflar amaliyotga joriy etiladi.

• Bo‘lim faoliyati bo‘yicha rahbariyat muntazam va aniq hisobotlar bilan ta'minlanadi.

KPI ko‘rsatkichlari

• Oylik savdo rejasining bajarilish foizi.

• Savdo hajmining o‘sishi.

• Liddan sotuvgacha bo‘lgan konversiya.

• Managerlar bo‘yicha individual KPI bajarilishi.

• CRM intizomi va ma'lumotlarning to‘liqligi.

• Yangi mijozlar soni.

• Qayta sotuvlar soni.

• O‘rtacha chek miqdori.

• Sotuvchilar samaradorligining o‘sishi.

Sinov muddati (2 oy)

1-oy

• Kompaniyaning mahsulotlari, xizmatlari va savdo jarayonlarini chuqur o‘rganish.

• Mavjud savdo tizimi, CRM, savdo voronkasi va KPI ko‘rsatkichlarini tahlil qilish.

• Har bir sotuvchining ishlash uslubi, kuchli va zaif tomonlarini baholash.

• Savdo bo‘limidagi asosiy muammolarni aniqlab, ularni bartaraf etish bo‘yicha aniq takliflar tayyorlash.

• Rahbariyat bilan kelishilgan rivojlantirish rejasini ishlab chiqish.

2-oy

• Kelishilgan takliflarni amaliyotga tatbiq etish va ularning natijalarini ko‘rsatish.

• Savdo samaradorligini oshirishga qaratilgan o‘zgarishlarni joriy qilish.

• Konversiya, savdo hajmi yoki bo‘lim KPIlarida ijobiy o‘sishni ta'minlash.

• Sotuvchilar bilan individual ishlash orqali ularning natijalarini yaxshilash.

• Sinov muddati yakunida amalga oshirilgan ishlar, erishilgan natijalar va keyingi rivojlantirish rejasi bo‘yicha batafsil hisobot taqdim etish.