Просмотр вакансии

Каманда МГА Фаланстэр (falanster.by) шукае офіс-мэнэджэра для развіцця сваёй прасторы (адрас).

Офіс мэнэджэр - гэта ўдзельнік каманды, які працуе з людзьмі, прасторай. Яго/яе дзейнасць насычана вырашэннем штодзённых пытанняў, захавання атмасферы прасторы і знаходжання розных спосабаў яе развіцця.

Стажыроўка Офіс-мэнэджэра - магчымасць атрымаць досвед арганізацыйнай працы некамерцыйнай грамадскай арганізацыі, звязанай з айці-тэхналогіямі.

Стажыроўка цягнецца 2 месяцы, па выніку, якой мы можам залічыць на працу ў камандзе Фаланстэра, або напісаць паспяховаму стажору рэкамендацыйны ліст.

Кампетэнцыі і якасці

• Гатоўнасць працаваць з камандай Фаланстэра і анлайн-прыладамі.
• Працаваць з рознымі людзьмі як актывістамі, так і партнёрскімі арганізацыямі.
• Валодаць пісьмовай і гутарковай беларускай мовай. Камунікацыя падчас працы вядзецца на беларускай мове.
• Распавядаць пра дзейнасць арганізацыі і праектаў, звязваць з адказнымі асобамі.
• Афармляць дзелавую перапіску і афіцыйную дакументацыю.
• Арганізоўваць падзеі ўнутры прасторы.
• Пунктуальнасць.
• Уменне весці празрыста для каманды справы.

Абавязкі

• Падзяляць каштоўнасці і прынцыпы Фаланстэра.
• Рэгулярна (штодзень) сачыць за наяўнасцю неабходных рэсурсаў для праектаў Фаланстэра і прасторы, а таксама займацца іх забеспячэннем.
• Весці сацсеткі і камунікацыйныя каналы каманды.
• Камунікаваць з гасцямі прасторы і дапамагаць вырашаць іх пытанні, у тым ліку датычна Гік-лаўкі.
• Афармляць задачы і дакументацыю для іншых членаў.
• Прыцягваць партнёраў для правядзення асветніцкіх і адукацыйных мерапрыемстваў у прасторы.
• Кантраляваць парадак у памяшканні, у тым ліку сачыць за графікам іншых удзельнікаў або рэгулярна прыбіраць памяшканне.

Магчымасці

• Праца з новыми тэхналогіямі і апатнатнымі людзьмі.
• Стымулюем інтэлектуальны рост стажора і гатовы вучыць нашым падыходам і метадам.
• Падтрымліваць праекты стажора, звязаныя з місіяй арганізацыі.
• Прапаноўваем магчымасці ўдзелу у навучальных курсах і праграмах.

Занятасць падчас стажыроўкі

• 2 месяцы
• 20 гадзін на тыдзень

Наступны крок

1. Напішыце сваю матывацыю у каментах тут.
2. Падрыхтуйце рэзюмэ (CV) датычна вашага досведу працы з людзьмі.