Просмотр вакансии

O'zbekiston Respublikasi Milliy statistika qo'mitasi jamoaga taklif etadi!

Mamlakatimizning muhim davlat tashkilotlaridan biri bo'lgan Milliy statistika qo'mitasi Markaziy apparati — tashkilotning eng muhim resursini, ya'ni insonlarni rivojlantirishga hissa qo'shishga tayyor bo'lgan, energiyali va malakali mutaxassisni HR mutaxassis lavozimiga taklif etadi.

Agar siz xodimlar salohiyatini ochib berish, zamonaviy HR jarayonlarini joriy etish va korporativ madaniyatni shakllantirishga ishtiyoqli bo'lsangiz — bu o'rin aynan siz uchun!

Lavozim majburiyatlari:

• zamonaviy HR yondashuvlarini ishlab chiqish va joriy etish: HR siyosati, samaradorlikni boshqarish tizimlari (KPI), xodimlarni motivatsiya qilish va rivojlantirish;
• xodimlar kompetentsiyalarini rivojlantirish, o'qitish va malaka oshirish dasturlarini ishlab chiqish va yuritish;
• korporativ madaniyatni rivojlantirish, o'zgarishlarni boshqarish va xodimlar ishtirokini oshirishga oid loyihalarda qatnashish;
• HR qarorlarini tahliliy qo'llab-quvvatlash, rahbariyat uchun hisobotlar, tahliliy materiallar va takliflar tayyorlash;
• xalqaro forumlar, seminarlar va konferentsiyalarni tashkil etish va o'tkazishda ishtirok etish, shuningdek stajirovka va kasbiy almashinuv dasturlarini muvofiqlashtirish;
• institutsional rivojlanish va tashkilot barqarorligini oshirish doirasidagi HR tashabbuslari amalga oshirishda ishtirok etish;
• nomzodlarni tanlash va jalb qilish, shu jumladan asosiy mutaxassislarni maqsadli qidirish;
• nomzodlarni ishga qabul qilishning barcha bosqichlarida va moslashuv jarayonida qo'llab-quvvatlash.

Malakaviy talablar:

• kadrlar boshqaruvi, menejment, iqtisodiyot, tashkiliy rivojlanish yoki tegishli yo'nalishlarda bakalavr/magistr darajasi yoki unga tenglashtirilgan diplom;
• HR, tashkiliy rivojlanish, o'zgarishlarni boshqarish yoki loyiha boshqaruvi sohasida kamida 1 yillik ish tajribasi;
• quyidagilar bo'yicha amaliy tajriba yoki yaxshi tushuncha: 1) KPI va samaradorlikni boshqarish tizimlari; 2) kompetentsiyalarni rivojlantirish va xodimlarni o'qitish; 3) HR siyosati va zamonaviy HR vositalari;
• tahliliy fikrlash, ma'lumotlarni tizimlashtirish va asoslangan takliflar tayyorlash ko'nikmalari;
• yuqori ijrochilik intizomi va natijaga yo'naltirilganlik;
• o'zbek, rus va ingliz tillarida a'lo darajada og'zaki va yozma muloqot ko'nikmalari;
• kompyuter dasturlari bilan ishlash qobiliyati (MS Office — "ishonchli/ilg'or foydalanuvchi" darajasida; Python, Stata, R, Power BI, SQL, C++ bilan ishlash qo'shimcha ustunlik hisoblanadi);
• rivojlangan muloqot ko'nikmalari, jamoada va turli bo'limlar bilan hamkorlikda ishlash qobiliyati.

Afzalliklar:

1. Mehnat qonunchiligiga muvofiq rasmiy ishga qabul qilish;

2. Davlat boshqaruv tizimida shaxsiy va kasbiy rivojlanish;

3. Yuqori Malakali mutaxasisslar bilan ishlash va muhim davlat loyihalarida ishtirok etish imkoniyati;

4. Barqaror va o'z vaqtida to'lanadigan munosib ish haqi;

5. Ish jadvali: 5/2, to'liq ish kuni;

6. Qonunchilikka muvofiq ijtimoiy kafolatlar va imtiyozlar;

7. Qulay ish joyi va ahil jamoa;

8. Tashkilot hisobidan malaka oshirish va o‘quv dasturlarida qatnashish.